Impianti Colfosco: costruí deboriada n’identité sintida da düc

Por Impianti Colfosco, na realté aziendala metüda adöm da deplü co 100 dependënc, unse proieté n percurs de workshop strategics che toless ite ativamënter i rapresentanc di reparc aziendai desvalis, la proprieté y i dirigënc. A chësta manira él sté meso da cöie adöm prospetives desfarëntes sön argomënc tle sciöche i obietifs por le dagní y le sentimënt de portignënza a n’aziënda cha da tres incá mët les porsones tl zënter. Dal confrunt danter i punc d’odüda desvalis él nasciü na vijiun aziendala unitara, che valorisëia le liam cun le teritore y l’importanza dl’aziënda da promöie bëgnester, sostignibilité y chersciüda coletiva.

L’identité visiva de Impianti Colfosco reelaborëia i elemënc storics plü significatifs dl brand te na tle contemporana, por garantí continuité, reconescibilité y coerënza.
La marca nöia sintetisëia i elemënc destintifs originai cun formes plü nëtes y essenziales: n loop ardí che recorda movimënt y forza, n tai angolar ispiré al’injiniaria y na linia continua simbol dla coejiun. Le logotype tol sö le carater tipografich storich, reinterpreté te na tle moderna cun n font sans-serif geometrich personalisé, caraterisé da terminai nëc y pic apëna smorjelá plü saurisc da lí y adoré sön düc i suporc. La paleta cromatica, metüda adöm da grisc, blanch y cöce, garantësc funzionalité meton adöm solidité industriala y cialt uman.
Le resultat é n’identité visiva solida, che tëgn tl tëmp y saurida da conësce fora, bona da ti dé espresciun cun coerënza ai valurs de portignënza, evoluziun y impëgn devers dla comunité.