Porto Rafael: le cör dla Dolce Vita mediterana

Ot devers dl arcipel dla Maddalena, püc chilometri da Palau y Porto Cervo, custodësc Porto Rafael n’anima y na storia uniches. Tl zënter de chësc pice paraisc él la Piazzetta, cör che pulsëia cun la vijiun dl grof Rafael Neville, nasciüda dan da desënes d’agn canche Porto Rafael s’á afermé sciöche manifest de n’art de vivre ispirada ala Dolce Vita.
Aldedaincö ó le proiet valorisé y sconé chësta unizité, trasforman storia y spirit originar te n’esperiënza via y contemporana. I un cherié na cuntia autentica che coliëia passé y presënt, consolidan Porto Rafael sciöche n microcosm de belëza, cultura y comunité mediterana. Nia ma n post da vire mo n proiet da custodí y regeneré, bun da comuniché cun coerënza sü valurs, i trasforman te n’impormetüda unica de ospitalité.

Le sit nü é l’espresciun dla visual identity te n’esperiënza digitala completa y imersiva, bona da fá vire le spirit unich dl post. Tipografia, paleta cromatica, pattern y simboi dl brand se moscëda te n design elegant y contemporan, arichí da ilustraziuns ad hoc y da fotografies realisades da Alex Moling, ponsades por cunté na storia de Dolce Vita mediterana. Vigni elemënt condüj l’utënt sön n percurs a 360°: dala storia dla Piazzetta ala proposta di hotí, restoranc y lounge, dales ativités cina ai posć de interes local. Le sit devënta n’estenjiun digitala dl brand: nia ma na vidrina, mo n stromënt strategich por vire online la magia, la belëza y l’esperiënza unica de Porto Rafael.

portorafael.it