Cron Energy - Strategy development, corporate Identity Cron Energy - Strategy development, corporate Identity
Por le marcé lëde

N logo plëgn de energia

Cun l’introduziun dl marcé lëde á i contrac por condüje le strom messü gní fac danü. Por chësta gauja á l’Aziënda Pubbliservizi da Bornech cherié Cron Energy, la marca che pita la condüta y la venüda de strom por döta la comunité. Le fin de Cron Energy é chël da deventé n punt de referimënt tl raiun nia ma tres le sorvisc essenzial che vëgn pité, mo ince sön la basa de n raport nü cun i anuzadus. Nos un ciafé l’inciaria da studié le logo, la brand identity, la plata internet nöia y da svilupé na comunicaziun che ti spligass al publich les faziuns dla liberalisaziun dl marcé dl’energia eletrica.

Cron Energy - Strategy development, corporate Identity
Cron Energy - Strategy development, corporate Identity
Sura le bilinguism fora

Canch’i un cherié le claim dla campagna unse orü jí sura la chestiun dl bilinguism fora. Tla comunicaziun adoron de regola tla Val de Puster y te döt Südtirol n test scrit por todësch che vëgn spo traslaté tl talian, o le contrar. Insciö vëgnel dant na repetiziun dl medemo conzet che pó ester da stufé por le letur che sá da lí te trami i lingac. Porchël unse fat n’operaziun daldöt atramënter y de n vers inovativa. I un imbastí n claim che mët man cun n lingaz y che se röia cun l’ater lingaz. Chësc por ti dé n conzet consecuënt al letur y ti comuniché n’emoziun che, avisa sciöche le strom, ne se röia nia cina che te ne la destödes.

Cron Energy - Strategy development, corporate Identity
Cron Energy - Strategy development, corporate Identity
Na campagna cun deplü sogec

La campagna se svilupëia te sogec desvalis che interpretëia le target de referimënt. Le contat é diret y vigni porsona vëgn nominada cun so inom, che é le su elemënt che se desfarenziëia tl claim. Döt chësc por alzé fora la forza de Cron Energy, che ilominëia la vita dles porsones pitan n sorvisc dinamich, bun da interpreté i bojëgns dles porsones privates y dles dites che laora te döt le raiun.

Tüa aziënda á debojëgn de na bela scassada?

Pulsëia cun nos