Cookies

I cookies, o chocolate chip cookies, é nasciüs por gauja de n fal, sciöch’al sozed gonot. I sun ti agn Trënta dl secul passé y Ruth Wakefield, la patrona dl alberch Toll House Inn n’á nia plü polber de cacao por fá i biscoti da smalz ch’ara ti pita dagnora ai ghesć. A chësta moda se pënsera da tó na ciuchelada y da la taié sö bel fin por la injunté tla pasta, minan ch’ara se deleghes. Cossa che ne sozed sambëgn nia. Insciö nascel le biscoto plü conesciü dl’America. Buna indigestiun.

Les rezetes de Puls

Ingrediënc por zirca 20 biscoti:

300 g farina
250 g smalz
5 g bicarbonat
2 üs
100 g zücher de ciana
100 g zücher
200 g gotes de ciuchelada scüra
1 pice cazü estrat de vanilia
1 na preja de se

Preparaziun:

Cookies
Cookies
Cookies

metede man moscedan adöm le smalz morjel, taié sö te de pici toc, cun le zücher (1) y le zücher de ciana (2): moscedede döt cun n cazü de lëgn (3),

Cookies
Cookies
Cookies

moscedede bun y cun forza cina che döt devënta na crema lizia (4). Por fá plü saurí podëise mëte söla mësa da laur n bordun mol y lascé jö le cop lassura, a na moda ch’al ne slizies nia fora tratan i movimënc. Sbatede n püch i üs y injuntedi (5) n püch al iade. Moscededi ite bel plan pro le rest (6),

Cookies
Cookies
Cookies

metede spo l’estrat de vanilia lapró (7). Canche düc i ingrediënc é moscedá adöm y la pasta é bela omogena (8), criblede la farina te n ater cop, injuntede i 5 g de bicarbonat y na preja de se fin (sciöch’al se sá bun a os, por ti dé chë saú n pü’ sarada tipica di biscoti) (9).

Cookies
Cookies
Cookies

Inultima metede lapró les gotes de ciuchelada (10) y uniformede döt. Tolede ca n cazü da dlacin (o n cazü normal) y fajede man man cogores de zirca 50 g l’öna (11) da mëte sön na banda da furn o n testl cun papier da furn (12).

Cookies
Cookies
Cookies

Nos un adoré n testl sön chël ch’i un metü a cöje 8 cogores al iade, bel indalater (13), por ch’ares ne se taches nia adöm deperpo ch’ares cöj y crësc te furn. Cun chëstes porziuns gnarál fora zirca 20 biscoti. Denant co cöje i cookies, messëise i mëte te frigo plü o manco 1 ora, por i fá deventé plü dürs, a na manira ch’ai mantëgnes ciamó damí la forma tratan ch’ai cöj. Cojede üsc cookies tl furn statich scialdé sö a 160° por zirca 35/40 menüc, tla pert zentrala dl furn. Ai sará cöc canch’ai ará na bela crosta deforaia y sará bindebó morjí daite (14). Lascedi desfridé daldöt sön na grata (15) y üsc cookies é arjigná ca por fá na bela picia marëna! Cookies Policy

o che ti azetes
Por le marcé lëde

N logo plëgn de energia

Cun l’introduziun dl marcé lëde á i contrac por condüje le strom messü gní fac danü. Por chësta gauja á l’Aziënda Pubbliservizi da Bornech cherié Cron Energy, la marca che pita la condüta y la venüda de strom por döta la comunité. Le fin de Cron Energy é chël da deventé n punt de referimënt tl raiun nia ma tres le sorvisc essenzial che vëgn pité, mo ince sön la basa de n raport nü cun i anuzadus. Nos un ciafé l’inciaria da studié le logo, la brand identity, la plata internet nöia y da svilupé na comunicaziun che ti spligass al publich les faziuns dla liberalisaziun dl marcé dl’energia eletrica.

Sura le bilinguism fora

Canch’i un cherié le claim dla campagna unse orü jí sura la chestiun dl bilinguism fora. Tla comunicaziun adoron de regola tla Val de Puster y te döt Südtirol n test scrit por todësch che vëgn spo traslaté tl talian, o le contrar. Insciö vëgnel dant na repetiziun dl medemo conzet che pó ester da stufé por le letur che sá da lí te trami i lingac. Porchël unse fat n’operaziun daldöt atramënter y de n vers inovativa. I un imbastí n claim che mët man cun n lingaz y che se röia cun l’ater lingaz. Chësc por ti dé n conzet consecuënt al letur y ti comuniché n’emoziun che, avisa sciöche le strom, ne se röia nia cina che te ne la destödes.

Na campagna cun deplü sogec

La campagna se svilupëia te sogec desvalis che interpretëia le target de referimënt. Le contat é diret y vigni porsona vëgn nominada cun so inom, che é le su elemënt che se desfarenziëia tl claim. Döt chësc por alzé fora la forza de Cron Energy, che ilominëia la vita dles porsones pitan n sorvisc dinamich, bun da interpreté i bojëgns dles porsones privates y dles dites che laora te döt le raiun.

Tüa aziënda á debojëgn de na bela scassada?

Pulsëia cun nos