Cookies

I cookies, o chocolate chip cookies, é nasciüs por gauja de n fal, sciöch’al sozed gonot. I sun ti agn Trënta dl secul passé y Ruth Wakefield, la patrona dl alberch Toll House Inn n’á nia plü polber de cacao por fá i biscoti da smalz ch’ara ti pita dagnora ai ghesć. A chësta moda se pënsera da tó na ciuchelada y da la taié sö bel fin por la injunté tla pasta, minan ch’ara se deleghes. Cossa che ne sozed sambëgn nia. Insciö nascel le biscoto plü conesciü dl’America. Buna indigestiun.

Les rezetes de Puls

Ingrediënc por zirca 20 biscoti:

300 g farina
250 g smalz
5 g bicarbonat
2 üs
100 g zücher de ciana
100 g zücher
200 g gotes de ciuchelada scüra
1 pice cazü estrat de vanilia
1 na preja de se

Preparaziun:

Cookies
Cookies
Cookies

metede man moscedan adöm le smalz morjel, taié sö te de pici toc, cun le zücher (1) y le zücher de ciana (2): moscedede döt cun n cazü de lëgn (3),

Cookies
Cookies
Cookies

moscedede bun y cun forza cina che döt devënta na crema lizia (4). Por fá plü saurí podëise mëte söla mësa da laur n bordun mol y lascé jö le cop lassura, a na moda ch’al ne slizies nia fora tratan i movimënc. Sbatede n püch i üs y injuntedi (5) n püch al iade. Moscededi ite bel plan pro le rest (6),

Cookies
Cookies
Cookies

metede spo l’estrat de vanilia lapró (7). Canche düc i ingrediënc é moscedá adöm y la pasta é bela omogena (8), criblede la farina te n ater cop, injuntede i 5 g de bicarbonat y na preja de se fin (sciöch’al se sá bun a os, por ti dé chë saú n pü’ sarada tipica di biscoti) (9).

Cookies
Cookies
Cookies

Inultima metede lapró les gotes de ciuchelada (10) y uniformede döt. Tolede ca n cazü da dlacin (o n cazü normal) y fajede man man cogores de zirca 50 g l’öna (11) da mëte sön na banda da furn o n testl cun papier da furn (12).

Cookies
Cookies
Cookies

Nos un adoré n testl sön chël ch’i un metü a cöje 8 cogores al iade, bel indalater (13), por ch’ares ne se taches nia adöm deperpo ch’ares cöj y crësc te furn. Cun chëstes porziuns gnarál fora zirca 20 biscoti. Denant co cöje i cookies, messëise i mëte te frigo plü o manco 1 ora, por i fá deventé plü dürs, a na manira ch’ai mantëgnes ciamó damí la forma tratan ch’ai cöj. Cojede üsc cookies tl furn statich scialdé sö a 160° por zirca 35/40 menüc, tla pert zentrala dl furn. Ai sará cöc canch’ai ará na bela crosta deforaia y sará bindebó morjí daite (14). Lascedi desfridé daldöt sön na grata (15) y üsc cookies é arjigná ca por fá na bela picia marëna! Cookies Policy

o che ti azetes
Na ciasa storica te Gherdëna

Uridl,
l’ert dl’acoliënza

I sun a Santa Cristina te Gherdëna, te n hotel che ê bele tl scomenciamënt dl Nücënt n punt de referimënt por i sciori y i viandanc de chël tëmp. La strotöra conservëia ciamó sëgn la medema atraziun che slomina tla vedla stüa: l’hotel Uridl é n post olach’an sënt la saú dl’ert por mirit dl sig. Demetz, depenjadú, scoltur y colezionist. Canch’ai s’á damané da dessigné danü la plata internet unse fat la proposta de inverdí döta la comunicaziun tres impulsc nüs che tigniss cunt dla storia y di prinzips dla Ciasa. Proposta azetada.

Bënuní

Cun chësta premissa unse imbastí na strategia integrada de comunicaziun ch’é bona da coordiné y tigní adöm düc i liví de na storia che se svilupëia tres sëgns, parores y imajes nöies. I un realisé le restyling dl logo, dessigné la plata internet nöia, cherié i contignüs di tesć y organisé n sorvisc fotografich cun le fin da dé inant n sentimënt de renovamënt che pëia ia da n’emoziun antica. Tres l’inovaziun y n model de comfort nü unse orü arjunje na dimenjiun contemporana. I un orü jí sura le stereotip dl’oferta standarisada fora por comuniché n sentimënt de cör, fat de vita, ester scëmpli y direc, ala bona.

Le logo nü Les declinaziuns Le pattern
I font
Les aplicaziuns
Web desire

La proietaziun dla plata internet nöia se basëia sön le svilup de na storia che abina fora i valurs dla Ciasa y i alza fora cun grafica, parores y imajes che passenëia bun lapró. Na storia che ti vá do ales sajuns, rembalzëia da n’alzada al’atra dla Ciasa devers dl monn defora: les ciamenes nöies, la vedla stüa, i tais dla ciasadafüch, l’urt, le Saslonch, i chedri de Demetz interpretëia düc adöm emoziuns che ciafa aldedaincö na forza nöia.