N post straordinar

Lech de Braies, autentizité che vá sura le sciosciüre fora

L’Hotel Lech de Braies é na ciasa storica fata sö ala fin dl Otcënt y che fej aldedaincö pert dla belëza y dl’atraziun che chëstes eghes tleres sciöche cristal iradiëia tres ciamό, ince canch’al é sciosciüre y crabal, y che pé n spidl de löm demorvëia sot les pizes dolomitiches. Incö vir l’Hotel na sajun de renovamënt, che d’un n vers ό sconé le passé storich y rich de gloria, y dal’altra pert che sá ince da ti dé indô la dërta posiziun y dimenjiun che ti speta ala ciasa. I laurun pro chësc proiet afascinant y i dun nosc contribut pian ia dal dessëgn dl logo nü y i jun inant cun le svilup dla corporate identity y dla plata internet, a na moda che döt se concretisëies spo ince tl ciamp strategich.

N logo nü por confermé n primat

Te chisc ultimi agn é le Lech de Braies deventé tan conesciü da n’avëi nia püć problems ch’á da nen fá cun l’identité dl post. Por podëi sconé chë autentizité che manacia da se perde, á l’Hotel Lech de Braies odü ite le bojëgn da cherié danü le posizionamënt dla strotöra, pian ia dal dessëgn dl logo y dal stüde y svilup de döta la corporate identity. Nosc fin é sté chël da razionalisé le sëgn y dötes sües aplicaziuns, tres n laur de moderaziun te na situaziun de disperjiun assoluta. Al é sté n’operaziun por puzené y renové che á albü bele tl scomenciamënt n fin su: ti dé le sbunf che vá debojëgn a dötes chës ativités de renovamënt che la Ciasa á tut la dezijiun da realisé da chësc ann inant y ti agn che vëgn.

I corusc

La sfumadöra

Tipografia

Les aplicaziuns

La plata internet nöia che gnará

I sun deplëgn tla fasa de stüde y proietaziun dla plata internet nöia dl Hotel, che sará on line anter la proscima aisciöda, canche -al é da s’audé- le ritm de n turism, ch’an spera sides n pü’ plü tl respet dl ambiënt, podará indô bate cun regolarité.

Sce nosta manira da fá te plej, tol sö contat cun nos:

Pulsëia cun nos

Proscim proiet Erlacher