Brand positioning

Na strategia por custodí le passé

Le rebranding de Pension Torr é nasciü cun l’obietif da presservé l’anima autentica dla strotöra, n post olach’al pé che le tëmp sides sté chit, mantignin via na tradiziun de familia che se desfarenziëia por l’atenziun y la cura de vigni ghest. Dalunc dal turism frenetich, é la Pension Torr n alberch intim y genuin che incarnëia la scemplité dla vita da munt. Meton adöm tradiziun y autentizité, unse posizioné la pension sciöche le travert ideal por che che chir n’esperiënza sinziera y dalunc dai ezesc, olache vigni detai cunta na storia d’acoliënza cialda.

Visual Identity

N’identité che cunta dla tradiziun cun n edl devers dl dagní

Tl zënter dla visual identity, saltel al edl n logotip essenzial y sterch, che abina l’essënza dla strotöra. La tipografia cun n stil vintage, recorda la tradiziun y la fascinaziun dl passé, deperpo che i corusc vis injunta na dimenjiun frësca y dinamica, cherian n ecuiliber perfet danter memoria y modernité. I elemënc grafics, che vëgn da n’analisa acorta dles imajes de archif, reinterpretëia detais architetonics dla strotöra y odüdes dl paesaje incëria, i trasforman te n collage de formes astrates che arichësc l’identité visiva.

Web Design

N’identité che vir ince online

La visual identity de Pension Torr se destënn fora ince al web, cherian n’esperiënza digitala che é n refles perfet dla scemplité y dla tradiziun dla strotöra. Vigni elemënt grafich, dala tipologia vintage ai corusc ardis, é gnü integré cun cura por cunté dl’autentizité dla pension ince online. Le sit web devënta insciö n’estenjiun naturala dl brand: intuitif, acoliënt, bun da evoché le cialt familiar y l’atmosfera zënza tëmp che caraterisëia la Pension Torr.

www.torr.it

Sce nosta manira da fá te plej y t’os nes contaté, sunse chiló:

Pulsëia cun nos

Proscim proiet Waldrast