Cookies

I cookies, o chocolate chip cookies, é nasciüs por gauja de n fal, sciöch’al sozed gonot. I sun ti agn Trënta dl secul passé y Ruth Wakefield, la patrona dl alberch Toll House Inn n’á nia plü polber de cacao por fá i biscoti da smalz ch’ara ti pita dagnora ai ghesć. A chësta moda se pënsera da tó na ciuchelada y da la taié sö bel fin por la injunté tla pasta, minan ch’ara se deleghes. Cossa che ne sozed sambëgn nia. Insciö nascel le biscoto plü conesciü dl’America. Buna indigestiun.

Les rezetes de Puls

Ingrediënc por zirca 20 biscoti:

300 g farina
250 g smalz
5 g bicarbonat
2 üs
100 g zücher de ciana
100 g zücher
200 g gotes de ciuchelada scüra
1 pice cazü estrat de vanilia
1 na preja de se

Preparaziun:

Cookies
Cookies
Cookies

metede man moscedan adöm le smalz morjel, taié sö te de pici toc, cun le zücher (1) y le zücher de ciana (2): moscedede döt cun n cazü de lëgn (3),

Cookies
Cookies
Cookies

moscedede bun y cun forza cina che döt devënta na crema lizia (4). Por fá plü saurí podëise mëte söla mësa da laur n bordun mol y lascé jö le cop lassura, a na moda ch’al ne slizies nia fora tratan i movimënc. Sbatede n püch i üs y injuntedi (5) n püch al iade. Moscededi ite bel plan pro le rest (6),

Cookies
Cookies
Cookies

metede spo l’estrat de vanilia lapró (7). Canche düc i ingrediënc é moscedá adöm y la pasta é bela omogena (8), criblede la farina te n ater cop, injuntede i 5 g de bicarbonat y na preja de se fin (sciöch’al se sá bun a os, por ti dé chë saú n pü’ sarada tipica di biscoti) (9).

Cookies
Cookies
Cookies

Inultima metede lapró les gotes de ciuchelada (10) y uniformede döt. Tolede ca n cazü da dlacin (o n cazü normal) y fajede man man cogores de zirca 50 g l’öna (11) da mëte sön na banda da furn o n testl cun papier da furn (12).

Cookies
Cookies
Cookies

Nos un adoré n testl sön chël ch’i un metü a cöje 8 cogores al iade, bel indalater (13), por ch’ares ne se taches nia adöm deperpo ch’ares cöj y crësc te furn. Cun chëstes porziuns gnarál fora zirca 20 biscoti. Denant co cöje i cookies, messëise i mëte te frigo plü o manco 1 ora, por i fá deventé plü dürs, a na manira ch’ai mantëgnes ciamó damí la forma tratan ch’ai cöj. Cojede üsc cookies tl furn statich scialdé sö a 160° por zirca 35/40 menüc, tla pert zentrala dl furn. Ai sará cöc canch’ai ará na bela crosta deforaia y sará bindebó morjí daite (14). Lascedi desfridé daldöt sön na grata (15) y üsc cookies é arjigná ca por fá na bela picia marëna! Cookies Policy

o che ti azetes
Na picia dita da n gran valur

Vigni metal é prezius por nos.

Isifer é öna de chёres dites d’artejans de nosta valada che nes fej sintí braui da ester na pert che toca laprό. Deache cun scemplité, ostinaziun, energia y gran savёi ára dé vita a na storia che n’á nia ma la cualité dl laur sciöche fondamёnt -y Isifer laora i metai cun gran sapiёnza- mo ince cualités umanes stersces.

Tl imbastí l’imaja coordinada y tla realisaziun dla plata internet nöia, unse tut la dezijiun da cunté la storia dl’aziёnda y di sorvisc ch’ara pita tres les parores de Isidoro, chёl che l’á cheriada.

Tecnologia e prezijiun

Le dessёgn dl logo se basёia sön le stüde de n lettering dales cualités d’identité stersces. Le tai dles lёtres I cheriёia n dinamism lisier che fej reconёsce l’inom dla dita te na manira tlera y sterscia.

Les aplicaziuns

I un dessigné la plata internet ponsan a n album de fotografies ch’an pό platerné fora. I un scrit la storia te püces frases lites y interpretades da chi che á fat sö la dita -al é propi le caje da le dí: cun sües mans- y i l’un adatada ales plates riches de imajes, ince en movimёnt, da inier y da incö.

www.isifer.it

Aste na picia gran dita da valorisé y oste comuniché te na manira originala y creativa?

Pulsëia cun nos