Ciasa de Munt: Corporate Identity Ciasa de Munt: Corporate Identity
Plü co n B&B

Ciasa da Munt, trö deplü

Ciasa da Munt é n residence dal’architetöra moderna a Corvara. Scemia ch’al vëgn pité n sorvisc de B&B pón dí che la Ciasa mët a desposiziun di ghesć apartamënc de lus y ambiënc olache l’ert y le design tol ite na gran lerch.  Murales che cunta dles liëndes de Fanes, sösoc cun afrësć te n stil contemporan cun tematiches astrates y tonalités de corusc che che vá a cör trasformëia la Ciasa te na strotöra che salta al edl amesa a dötes les atres ofertes dl paisc.

Por chësta strotöra interessanta unse realisé le restyling dl logo, dla plata internet, i s’un cruzié de döt ci che vëgn stampé, i un fat para pro le shooting fotografich y i un dé indicaziuns por na strategia de marketing nöia, a na manira ch’ara ti dess importanza ala cualité strotorala y al’ospitalité dla ciasa.

L’essenzial tla forma

Le stüde dl logo se basëia sön n conzet prezis: ester nëc a livel formal, cun lapró n’eleganza zënza zirachi. La tradiziun ladina vëgn proietada te na dimenjiun moderna, avisa sciöch’al vëgn fat te ciasa, olach’an comunichëia n conzet contemporan de ospitalité.

Ciasa de Munt: Corporate Identity
Tipografia
Ciasa de Munt: Corporate Identity
I corusc
Ciasa de Munt: Corporate Identity
Le pattern
Ciasa de Munt: Corporate Identity
Les aplicaziuns
Ciasa de Munt: Corporate Identity
Web desire

Canch’i un imbastí i elemënc de design y de conzet dla plata internet nöia por la Ciasa da Munt ti sunse jüs do al medemo sentimënt che nes á daidé pro le stüde dl logo. I un cherié na dimenjiun che d’un n vers comunichëia l’eleganza dla strotöra y dl ater vers alza fora la fascinaziun de na ciasa che se desfarenziëia dales atres por le design, l’ert, l’importanza dla lerch y n’architetöra globala che mostra le conzet de ospitalité te na dimenjiun nöia, chëra dl lus contemporan.

Ciasa de Munt: Corporate Identity
www.ciasademunt.com

Sce nosta manira da fá te plej, tol sö contat cun nos:

Pulsëia cun nos