Hotel Recort y la strategia pionieristica

A pe dl grup maestus dl Sela, nasc le Hotel Recort, dal’eredité de Gottfried Declara, figöra tle tl svilup turistich dl’Alta Badia. Süa vijiun inovativa á ispiré la brand strategy cun l’obietif da posizioné le hotel sciöche na marca esclusiva, por n publich adult y sofistiché, che chir autentizité y rafinatëza. La strategia de branding dl Hotel Recort mët adöm tradiziun y inovaziun. L’inom „Recort“, chirí fora dal copywriter Francesco Ricci, simbolisëia le dialogh danter passé y dagní.

Le logo nü dl Hotel Recort rapresentëia na sintesa armoniosa danter lifestyle y tradiziun, combinan eleganza zënza tëmp cun n azënt de modernité. Le monogram, na reinterpretaziun rafinada dla lëtra “R” é espresciun dl’essënza esclusiva dl hotel y simbolisëia l’impëgn da presservé recorc da nia desmentié. La visual identity tol ite i corusc chiris fora da Gottfried Declara por süa pröma ativité. Le pattern deperpo, ispiré ales striares di iac dala nëi söles pistes y ai planns tecnics dles costruziuns, porta ite n elemënt dinamich y contemporan, n omaje ales ativités imprenditoriales de familia che vëgn integrades cun la vijiun dl brand. La visual identity vëgn completada dales ilustraziuns, n tribut al’ert de Siegward Sprotte, artist todësch che á passé tröp tëmp a Calfosch. Sües operes, dedicades a posć iconics sciöche la Val Mezdí y le grup dl Sela, se intrecëia cun le design dl brand, pian l’autentizité y le fascin unich dl teritore.